Японы шигшээ баг 2026 оны хөлбөмбөгийн дэлхийн аварга шалгаруулах тэмцээн (ДАШТ) дээрх Азийн багуудын хожигдолгүй гайхалтай цувралыг амжилттай үргэлжлүүллээ. Дэлхийн аваргын эхний тойргийн тоглолтондоо япончууд хөлбөмбөгийн хүчирхэг гүрэн болох Нидерландын шигшээтэй 2:2 харьцаатайгаар дайчин тэнцээ хийлээ.
Үүнээс өмнө Ази тивийг төлөөлөн оролцож буй бусад багууд ч туйлын итгэлтэй тоглолтуудыг үзүүлээд байсан билээ. Тухайлбал, Өмнөд Солонгос Чехийг (2:1), Австрали Туркийг (2:0) тус тус буулган авсан бол Катар улс Швейцартай (1:1) тэнцэж, чухал оноог салгаж чадсан юм.
Азийн багуудын ДАШТ-2026 тэмцээний эхний тоглолтуудын үр дүн:
- 🇰🇷 Өмнөд Солонгос – Чех – 2:1
- 🇶🇦 Катар – Швейцарь – 1:1
- 🇦🇺 Австрали – Турк – 2:0
- 🇯🇵 Япон – Нидерланд – 2:2
Ингэснээр Ази тивийн эхний дөрвөн баг дэлхийн шилдэгүүдийн эсрэг хийсэн гарааны тоглолтууддаа 2 хожил, 2 тэнцээ авч, нэг ч хожигдолгүйгээр тэмцээнээ өндөр хэмнэлтэй эхлүүллээ.
ДАШТ-2026 тэмцээнд Ази тивийг төлөөлөн анхны тоглолтоо хийх дараагийн багууд бол Саудын Араб (Уругвайн эсрэг) болон Иран (Шинэ Зеландын эсрэг) шигшээ багууд байх юм. Тэд Азийн багуудын энэхүү сайхан цувралыг үргэлжлүүлж чадах эсэхийг харах л үлдлээ.
