Бразилд сурагч охин үл таних этгээдийн хулгайлах оролдлогоос азаар амь гарчээ. Хэрэг явдал дүрс бичлэгт үлдсэн байна. Энэ талаар Need To Know мэдээлэв.
Хэрэг есдүгээр сарын 4-ний орой Рио-де-Жанейро хотын захад болжээ. 15 настай охин сургуулиасаа гэр рүүгээ харьж явсан байна. Түүний хажууд нэгэн автомашин зогсож, жолооч нь зэвсэгтэй гэж сүрдүүлэн гар утсыг нь авч, машиндаа суухыг шаарджээ.
Хэсэг хугацааны дараа хулгайлагч анхаарлаа өөр тийш хандуулах мөчийг ашиглан охин явж байсан машинаас үсэрч, хамгийн ойрын орон сууцны хороолол руу гүйсэн байна. Хохирогчийн аавын хэлснээр, охин асфальтан дээр толгойгоороо унаж, өвдгөө шалбалсан ч өөр ноцтой гэмтэл аваагүй аж. Гэмт этгээд охины үүргэвчийг авч үлджээ.
Сэжигтний хэн болохыг одоогоор тогтоогоогүй байна. Мөрдөн шалгагчид түүнийг охиныг хүчиндэхээр завдсан гэж үзэж байгаа аж. Хэргийн талаар мэдээлэлтэй гэрчүүдийг цагдаад хандахыг хүсжээ.
