Table of Contents
Өмнөд Солонгосын алдарт уран бүтээлчид болох дуучин, жүжигчин IU (Ли Жи Ын) болон жүжигчин И Жон Сок нар салж, дөрвөн жилийн харилцаандаа албан ёсоор цэг тавьжээ. Тэдний харьяалагддаг агентлагууд олон нийтийн сүлжээгээр цацагдсан эл мэдээллийг албан ёсоор баталсан байна.
Агентлагуудын хийсэн албан ёсны мэдэгдэл
IU-ийн харьяалагддаг “EDAM Entertainment” болон И Жон Сокийн харьяа “ACE Factory” агентлагууд дараах тайлбарыг хийлээ.
“Тэд үнэхээр салсан нь үнэн. Цаашид нэгнийгээ дэмждэг, зөвхөн хамтран ажиллагсдын харилцаатай байх болно.”
Хосууд анх 2022 онд үерхэж буйгаа олон нийтэд зарлаж байсан бөгөөд нийт дөрвөн жилийн турш харилцаагаа хадгалж ирсэн юм. Анх олон жилийн турш хамтран ажилласан дотны найзууд байсан тэд аажмаар хайр сэтгэлийн холбоотой болсон тухайгаа IU тухайн үед шүтэн бишрэгчиддээ зориулсан захидалдаа хуваалцаж байв.
Хоёр уран бүтээлчийн амжилтын замнал
Тэд хоёулаа 15 насандаа урлагийн гараагаа эхэлсэн бөгөөд өдгөө Солонгосын энтертайнмент салбарын хамгийн нөлөө бүхий, эрэлттэй одод болоод байгаа юм.
Дуучин, жүжигчин IU (Ли Жи Ын)
- К-попын түүхэн дэх хамгийн амжилттай бие даасан уран бүтээлчдийн нэг.
- 2022 онд Сөүлийн Олимпын цэнгэлдэх хүрээлэнд бие даасан “The Golden Hour” тоглолтоо хийсэн анхны солонгос эмэгтэй дуучин болсон.
- “Modern Times” (2013), “Palette” (2017), “Lilac” (2021) зэрэг олон хит цомог гаргасан.
- Жүжигчний хувиар “Hotel Del Luna” (2019), “Broker” (2022), “Dream” (2023), “When Life Gives You Tangerines” (2025), “Perfect Crown” (2026) зэрэг бүтээлүүдэд гол дүр бүтээжээ.
Жүжигчин И Жон Сок
- “Pinocchio” (2014), “Romance is a Bonus Book” (2019) зэрэг олон ангит киногоороо олон улсад танигдсан.
- Саяхан “Ace factory” агентлагтай онцгой гэрээ байгуулсан.
- Хамгийн сүүлд 2025 оны романтик драм “Seochodong” кинонд жүжигчин Мүн Га Ёнтой хамтран тоглосон.
- Түүний дараагийн гол дүр бүтээх шинэ уран бүтээл нь “The Remarried Empress” олон ангит кино байх юм.
