31
Мэргэжлийн боксын нэр хүндтэй дөрвөн холбооны нэг болох Дэлхийн боксын зөвлөл (WBC) тавдугаар сарын шинэчилсэн чансаагаа танилцууллаа. Энэхүү эрэмбээр МУГТ Э.Цэндбаатар 2026 оны тавдугаар сарын 6-ны өдрийн байдлаар super featherweight буюу 58.967 кг-ын жинд дэлхийн ТОП-15-д албан ёсоор бичигдэв.
Чансааны эхний 15-д багтахын ач холбогдол
Чансааны эхний 15-д багтана гэдэг нь тухайн тамирчныг аваргын бүс горилогч болсныг албан ёсоор зарлаж буй хэрэг юм. Мэргэжлийн боксын ертөнцөд энэхүү үзүүлэлт нь тамирчны боломжийг эрс нэмэгдүүлдэг маш чухал шалгуур билээ. Тухайлбал:
- Дэлхийн аваргын төлөө өрсөлдөх эрх нээгдэнэ.
- Том холбоодын бүсийн аваргын төлөөх тулаанд оролцох боломж бүрдэнэ.
- Телевизийн дамжуулалт болон маркетингийн томоохон боломжууд нэмэгддэг.
Ийнхүү Э.Цэндбаатар дэлхийн аваргын төлөөх өрсөлдөөний алтан бүсэд орж ирснээр түүний дараагийн тулаанууд илүү өндөр түвшинд өрнөх хүлээлттэй байна.
