Комедиан, залуу бизнес эрхлэгч М.Баяржаргал Монгол Улсын Гавьяат тамирчин, Олон улсын хэмжээний мастер Ц.Раднаад Хайнаньд хосоороо аялах эрхийн бичиг бэлэглэхээр болсон байна. Тэрбээр “Elite Travel” компанийн “Газрын Диваажин Хайнань” аялалд хүссэн үедээ хайртай хүнтэйгээ явах эрхийг ахмад тамирчинд гардуулахаа цахим хуудсаараа мэдэгджээ.
М.Баяржаргал уг бэлгээ БНСУ-ын Дэгү хотод болсон Мастеруудын ДАШТ-ий 90-ээс дээш насны ангиллын 100 метрийн төрөлд алтан медаль хүртсэн Ц.Раднаад талархал илэрхийлж буй хэлбэр гэж тодотгосон байна. Түүний хэлснээр Ц.Раднаа олон залууст тууштай байдал, сахилга бат, хичээл зүтгэл, нас бол зөвхөн тоо гэдгийг үлгэрлэн харуулсан тамирчин юм.
М.Баяржаргалын нийтлэлд онцолсон зүйлс:
- Ц.Раднаад Хайнаньд хосоороо аялах эрхийн бичиг бэлэглэнэ;
- аяллыг “Elite Travel” компанийн “Газрын Диваажин Хайнань” хөтөлбөрөөр зохион байгуулна;
- эрхийн бичгийг хүссэн үедээ ашиглах боломжтой гэжээ;
- бэлгийг Ц.Раднаагийн амжилт, үлгэрлэлд талархсан фанатын сэтгэлээр барьж буйгаа илэрхийлсэн;
- Ц.Раднаагийн байгуулсан гавьяаг төр зохих ёсоор үнэлнэ гэдэгт итгэж буйгаа дурдсан байна.
Тэрбээр цахим хуудсандаа “Таны өдийг хүртэл хийсэн зүйлс, байгуулсан гавьяа тань олон олон залуучуудад урам зориг өгдөг юм шүү. Та бидэнд тууштай байдал, сахилга бат, хичээл зүтгэл, хамгийн гол нь нас бол тоо гэдгийг батлан харуулсан” хэмээн бичжээ.
Мөн “Би шүтдэг тамирчдаа нэрлэ гэвэл Криштиану Роналдо, Лионел Месси, Лербон Жэймс, Цэрэн Раднаа гэж хэлнэ ээ…” гэж ахмад тамирчинд хүндэтгэл илэрхийлсэн байна. Түүний хувьд төрийн үнэлэмжээс урьтаж, залуу бизнес эрхлэгчийн хувиар чадахаараа нэгэн бэлэг барихыг хүссэн гэжээ.
Ийнхүү М.Баяржаргал Дэгүгийн дэвжээнд алтан медаль хүртсэн ахмад тамирчин Ц.Раднаад аяллын эрх бэлэглэж, түүний амжилт, үлгэр дуурайллыг олон нийтэд дахин онцоллоо. Тэрбээр “Танд дахин дахин баяр хүргэе. Бас баярлалаа. Та үүнийг, үүнээс ч илүүг хүртэх эрхтэй” хэмээн нийтлэлээ төгсгөсөн байна.
