Хятадад олон нийтийн үймээнийг дарахад ашиглах роботуудыг бэлтгэж эхэлсэн талаар Mikekalil мэдээлжээ.
Мэдээлснээр, бороохой болон бамбайгаар тоноглогдсон Fuxi хүн дүрст роботууд олныг шахан ухраах, цагдаагийн алба хаагчдын тулааны хөдөлгөөнийг давтан гүйцэтгэх чадвартай байх аж.
Уг хөгжүүлэлтийг Хятадын төрийн өмчит батлан хамгаалахын Norinco концерн хариуцаж байгаа гэж мэдээлсэн байна. Роботуудыг эргүүл хийх, сэжигтэй хүнийг таних, олон нийтийн эмх замбараагүй байдлын үед ажиллахад сургаж байгаа бөгөөд мөн цэргийн төрөл бүрийн ажиллагаанд ашиглахаар бэлтгэж байгаа аж.
Төлөвлөгөөний дагуу эдгээр хүн дүрст робот цэргүүдтэй мөр зэрэгцэн ажиллаж, цаашдаа зарим үүргийг нь орлох боломжтой гэж үзэж байна.
Аюултай нөхцөлд хүн роботуудыг алсаас удирдах боломжтой байх аж.
