Японы Засгийн газар хүн дүрст роботуудыг батлан хамгаалах салбарт ашиглах асуудлыг авч үзэхээр болоод байна. Энэ талаар Японы “Saitama Shimbun” хэвлэл мэдээллээ.
Тус хэвлэлийн эх сурвалжийн мэдээлснээр, роботуудыг бие даан баримжаа авч, биеийн хүчний даалгавар гүйцэтгэх боломжтой болгохын тулд хиймэл интеллектоор тоноглохоор төлөвлөж байгаа аж. Эхний шатанд эдгээр роботыг батлан хамгаалах салбарын ар тал болон туслах чиглэлийн даалгавруудад ашиглах юм.
Тухайлбал, роботуудаар цэргийн баазыг эргүүлэн хамгаалуулах, мөн зэвсэг хэрэгсэл болон бусад ачаа тээвэрлүүлэх боломжтой. Гэсэн хэдий ч Японы эрх баригчид хүн дүрст роботуудыг байлдааны ажиллагаанд шууд оролцуулах тал дээр эргэлзэнгүй байр суурьтай байна.
Засгийн газрын эх сурвалжийн мэдээлснээр, уг төслийн гол зорилго нь цэргийн алба хаагчдыг өдөр тутмын хэвшмэл ажлуудаас чөлөөлөх явдал бөгөөд энэ нь Японы Батлан хамгаалах яамны автоматжуулалтын ерөнхий стратегид бүрэн нийцэж байгаа юм.
Мөн эрх баригчид ийм роботуудыг тагнуул болон аврах ажиллагаанд ашиглах боломжийг судалж байна. Ухаалаг машинууд нь бие бүрэлдэхүүн цөөнтэй нөхцөлд даалгавар гүйцэтгэх үр дүнтэй хэрэгсэл болно гэж үзэж байна.
2 comments
Яг л кино шиг санагдчихлаа
Жаахан айдастай ч юм шиг санагдаж байна