Жүжигчин Ко Кён Пёгийн оролцсон телевизийн нэвтрүүлгүүдэд дахин эвлүүлэг хийж эхэлжээ

0 comments 1 үзэлт
Ко Кён Пё

БНСУ-ын жүжигчин Ко Кён Пё согтуугаар тээврийн хэрэгсэл жолоодож, осол гаргасан гэх мэдээлэл цацагдсантай холбоотойгоор телевизийн хэд хэдэн нэвтрүүлгийн уран бүтээлийн баг эвлүүлэгтээ өөрчлөлт оруулж эхэлжээ.

Солонгосын хэвлэлүүдийн мэдээлснээр, MBC телевизийн “Hangout with Yoo”, tvN телевизийн “Sixth Sense: B-Side”, “Amazing Saturday” нэвтрүүлгийн продюсерууд жүжигчний оролцсон хэсгүүдийг багасгах, шаардлагатай тохиолдолд бүрэн хасахаар ажиллаж байгаа аж.

Түүнчлэн “The Great Escape: Urban Legends” нэвтрүүлгийн баг дахин эвлүүлэг хийх шаардлагатай тулгарчээ. Харин “Bogum Magical 2” төслийн сурталчилгааны зарим материалаас Ко Кён Пёгийн дүрсийг хассан талаар хэвлэлүүд мэдээлсэн байна.

Уг нөхцөл байдал жүжигчний нэр хүндээс гадна түүнтэй хамтран ажилласан телевиз, продакшны багуудын үйл ажиллагаанд нөлөөлж, нэмэлт ажил, зардал үүсгэж байгаа юм.

Одоогоор Ко Кён Пёгийн оролцсон бүх бүтээлийн талаар эцсийн шийдвэр гараагүй байна. Нэвтрүүлэг тус бүрийн продюсерууд цацалтын хуваарь болон эвлүүлэгт оруулах өөрчлөлтийг хэлэлцэж байгаа аж.

Танд ч бас таалагдаж магадгүй

Сэтгэгдэл үлдээгээрэй