Бангкокт болсон анхдугаар Азийн “Eurovision” уралдаанд дуучин Бек шилдэг наймд шалгарлаа

0 comments 2 үзэлт
Бек

Европын өргөн нэвтрүүлгийн холбооноос (EBU) Ази тивд анх удаа зохион байгуулсан “Eurovision Song Contest Asia” дууны уралдаан Тайландын нийслэл Бангкок хотноо амжилттай болж өндөрлөлөө. Тивийн 11 орны шилдэг уран бүтээлчид авьяас чадвараа сорин өрсөлдсөн тус наадамд Монгол Улсыг төлөөлөн оролцсон дуучин Бек буюу Г.Мөнхбаяр наймдугаар байрт бичигдсэн байна.

Филиппиний дуучин тэргүүлж, Тайланд, Вьетнам удааллаа

Европын өргөн нэвтрүүлгийн холбооноос танилцуулсан албан ёсны дүнгээр, уралдааны шигшээ шатанд Филиппин улсыг төлөөлөн оролцсон дуучин Кармель ялалт байгуулж, анхдугаар наадмын тэргүүн байрын эзэн болжээ. Харин уралдааныг зохион байгуулагч орон болох Тайланд дэд байрт шалгарсан бол Вьетнам улсын оролцогч гуравдугаар байрт орсон байна.

Бангкокт болсон анхдугаар Азийн “Eurovision” уралдаанд дуучин Бек шилдэг наймд шалгарлаа

Дэлхийн хэмжээний нэр хүндтэй хөгжмийн наадмын Ази дахь анхны тайзнаа Монголын уран бүтээлч эх орноо төлөөлөн амжилттай оролцож, шилдэг наймд багтсан нь орчин үеийн монгол дуу хөгжмийг олон улсын үзэгчдэд сурталчлан таниулахад чухал алхам боллоо. Азийн орнуудын дуу хөгжмийн урлагийг холбосон энэхүү шинэ талбар нь бүс нутгийн уран бүтээлчдийн өрсөлдөх чадварыг сорих, соёлын солилцоог өргөжүүлэх томоохон боломжийг нээж байна.

Танд ч бас таалагдаж магадгүй

Сэтгэгдэл үлдээгээрэй