17
Монголын орчин үеийн кино урлагт жүжигчин, зохиолч, найруулагч, продюсерын олон талын үүргийг чадварлаг гүйцэтгэж буй Бат-Өлзийн Тамир өнөөдөр 40 насны ойгоо тэмдэглэж байна. СУИС-ийн оюутан ахуйдаа “Boomtown” хамтлагаас уран бүтээлийн гараагаа эхэлж, УДЭТ-ын тайзнаас дэлгэцийн салбарт хөл тавьсан тэрээр Монголын кино урлагт өөрийн гэсэн тод орон зайг бий болгосон уран бүтээлч юм.
Б.Тамирын уран бүтээлийн замнал ба онцлох төслүүд:
- “Фантастик” продакшны бүтээлүүд: 18 жилийн ойтойгоо золгож буй тус продакшнтайгаа хамтран “Аз жаргалын шок”, “Миний ах атаман”, “Маш нууц”, “Зүрхний хилэн”, “37-р точка”, “Зура” цуврал зэрэг үзэгчдийн сэтгэлд хүрсэн 15 гаруй томоохон дэлгэцийн бүтээлийг амилуулжээ.
- “Тусгаар тогтнол: Бошиг сахигч” (2026): Монгол Улсын тусгаар тогтнолын төлөөх тэмцэл, түүхэн зүтгэлтнүүдийн үүрэг оролцоог харуулсан уг бүрэн хэмжээний кинонд найруулагчаар ажиллахын сацуу Сайн ноён хан Намнансүрэнгийн дүрийг бүтээсэн.
- Олон улсын тавцанд (“Жинжийгийн төрсөн өдөр”): Каннын олон улсын кино маркетын “Монгол кино төсөл” танилцуулгад оролцож, Монголчуудын талаарх дэлхий дахины өрөөсгөл төсөөллийг эвдэх шинэлэг өнцөг бүхий шинэ төслөө танилцуулаад байна.
Тэрээр дэлгэцийн бүтээлээр дамжуулан үндэсний түүх, соёлыг сурталчлахаас гадна орчин үеийн Монголын тухай өөр өнцгөөс өгүүлэх шинэлэг бүтээлүүдийг туурвисаар байна. Жүжигчин, найруулагч Б.Тамирын цаашдын уран бүтээлд үзэгч олон болон кино урлагийн салбарынхан өндөр амжилт хүсэж байна.
