5
“Айчи Нагояа-2026” Азийн XX наадмын багийн спортын тэмцээнүүд албан ёсоор эхэлж, манай улсын эмэгтэйчүүдийн сагсан бөмбөгийн шигшээ баг хэсгийн шатны анхны уулзалтаа Тайванийн багийн эсрэг хийлээ. Талбай дээр ширүүн өрсөлдөөн өрнөсөн ч манай сагсан бөмбөгчид тоглолтын шийдвэрлэх сүүлчийн минутуудад өрсөлдөгчдөө боломж олгосноор 76:67-ийн харьцаатайгаар ялагдал хүлээв.
Уг тоглолтод Монголын шигшээ багийн тамирчин Амари Робинсон онцгой идэвхтэй тоглож, 25 оноо, 13 самбараас бөмбөг авалт, 2 оновчтой дамжуулалт хийн багийнхаа довтолгоо болон хамгаалалтыг тэргүүлсэн юм. Тэрээр өндөр үзүүлэлт бүхий дабл-дабл хийж багтаа асар том дэмжлэг үзүүлсэн ч Тайванийн баг тактикийн давуу байдлаа хадгалж чадсанаар тэмцээний эхний ялалтаа авлаа.
