“Sony Music Vision” студээс К-поп ертөнцийн супер од, “BLACKPINK” хамтлагийн гишүүн Лиcагийн хувийн амжилт, амьдралын замналыг өгүүлэх “Always Lalisa” баримтат киног албан ёсоор танилцууллаа. Найруулагч Сью Кимийн бүтээсэн уг кино 2026 оны Торонтогийн Олон Улсын Кино Наадмын (TIFF) хөтөлбөрт багтаж, дэлгэцнээ анх удаа үзэгчдийн хүртээл болохоор болжээ.
Хамтлагийн тайзнаас дэлхийн хэмжээний бие даасан уран бүтээлч хүртэл
Уг баримтат кинонд “BLACKPINK” хамтлаг уран бүтээлийн түр завсарлага авсан ганцхан жилийн хугацаанд Лиcа хэрхэн соло карьераа өсгөж, сэтгэл зүйн дарамт, айдас болон сорилтуудыг даван туулж буйг бодит байдлаар дүрслэн харуулсан байна. Тэрбээр уг хугацаанд дуу хөгжим, загвар болон дэлгэцийн урлагт дараах түүхэн амжилтуудыг байгуулжээ:
- Хөгжим ба тоглолт: 2026 оны хөлбөмбөгийн ДАШТ-ий нээлтэд ая дуугаа өргөсөн анхны К-поп уран бүтээлч болсноос гадна Лас-Вегасын алдартай “The Colosseum”-д бие даасан тоглолтоо хийж, “Coachella 2025” наадмын тайзнаа соло тавилтаа тохируулсан.
- Кино ба телевиз: HBO сувгийн хит цуврал “White Lotus”-т дүр бүтээж, “Netflix”-ийн хоёр ч томоохон төсөлд оролцохоор ажиллаж байна.
- Загвар ба нэр хүндтэй арга хэмжээ: 2026 оны “Met Gala”-гийн зохион байгуулах комиссоос гадна “Golden Globes” ёслолд уригдаж, “Vanity Fair” сэтгүүлийн зуны дугаарын нүүрийг чимжээ.
Энэхүү баримтат киноноос Лиcа зөвхөн охидын хамтлагийн гишүүн бус, хөгжим, загвар, кино урлагийн салбарт өөрийн байр суурийг баттай бэхжүүлсэн дэлхийн поп айкон болон төлөвшиж буйг тодорхой харах боломжтой.
