Баянзүрх дүүргийн 35 дугаар хорооны нутаг дэвсгэрт хүний амь нас, эрүүл мэндэд халдсан байж болзошгүй хүрэн баавгайг 2026 оны аравдугаар сарын 8-ны 22:15 цагийн орчимд олж, аюулгүй болгосон талаар Байгаль орчин, уур амьсгалын өөрчлөлтийн яам мэдээлжээ.
Баавгайг эрэн хайх ажиллагааг БОУАӨЯ болон мэргэжлийн байгууллагууд хамтран зохион байгуулсан байна.
Эрлийг зургаан хэсэгт хуваан зохион байгуулжээ
БОУАӨЯ-ны Төрийн нарийн бичгийн дарга Ш.Батбаяраар ахлуулсан ажлын хэсэг эрэн хайх ажиллагааг зургаан хэсэгт хувааж, урхи байршуулсан байна.
Гэгээ тасарсны дараа дулаан мэдрэгчтэй дрон ашиглан хайлтыг үргэлжлүүлж, улмаар хүний амь эрсэдсэн газраас холгүй байршлаас баавгайг олжээ.
Зургаа орчим настай эр баавгай гэж урьдчилан тогтоов
Урьдчилсан байдлаар уг амьтныг зургаа орчим настай эр хүрэн баавгай болохыг тогтоосон байна.
Гэхдээ тухайн баавгай хүний амь нас, эрүүл мэндэд халдсан амьтан мөн эсэх талаарх эцсийн дүгнэлтийг цагдаа болон шүүх шинжилгээний байгууллагын ажиллагааны дараа гаргана гэж БОУАӨЯ-наас мэдээлжээ.
