Кёльн хотноо өрнөж буй “IEM Cologne Major 2026” тэмцээний шийдвэрлэх тулаанууд эхэлж, Counter-Strike 2-ын дэлхийн шилдэг найман баг гуравдугаар шатанд (Stage 3) шалгаран үлдлээ. Цомын төлөөх гол өрсөлдөөнүүд гараанаас гарч буй энэ үед “1xBet Монгол” платформын киберспортын шинжээчид багуудын чансаа болон плей-оффт шалгарах магадлалыг нарийвчлан шинжилсэн урьдчилсан тоймыг бэлтгэжээ.
Эдгээр шилдэг багуудын өрсөлдөх эрхийг бүс нутгийн амжилтаар нь хуваарилсан бөгөөд Европыг төлөөлж Team Vitality, NAVI, Team Falcons, PARIVISION, Aurora Gaming, MOUZ гэсэн зургаан баг, харин Ази, Америкаас тус бүр нэг баг буюу The MongolZ, FURIA нар тулаанаа үргэлжлүүлнэ. Хэдийгээр багуудын харьцаа тэнцвэргүй мэт харагдаж болох ч энэ нь сүүлийн жилүүдэд хуучин тивийнхэн CS-ийн ертөнцийг хэрхэн давамгайлж буйн бодит илрэл юм. Түүх сөхвөл, Европын бус баг Мэйжор тэмцээнд аваргалаагүй хэдийнэ 8 жил өнгөрчээ. Хамгийн сүүлд буюу “ELEAGUE Major Boston 2018”-ын их финалд Америкийн Cloud9 баг Европын FaZe Clan-ыг хожиж байв. Азийн багуудын хувьд энэхүү оргилд хэзээ ч хүрч байгаагүй ч “BLAST.tv Austin Major 2025” тэмцээнээс мөнгөн медаль хүртсэн The MongolZ баг уг цомд хамгийн ойрхон очсон түүхэн амжилтыг эзэмшдэг.
Шинжээчдийн зүгээс “IEM Cologne Major 2026” тэмцээний хамгийн гол фаворитоор Францын Team Vitality багийг нэрлэж байна. Тэдний од снайпер ZywOo болон багийн бусад тоглогчид гайхалтай тоглолтыг үзүүлж, форм сайтай байгаагаа харуулсаар байгаа юм. Гэсэн хэдий ч тасралтгүй ялалт байгуулах нь сэтгэл зүйн асар их дарамт үүсгэдэг төдийгүй өрсөлдөгчид нь тэдний тактикийг судалсаар байгаа тул хожлын цуврал нь Кёльнд зогсох эрсдэлтэй. Түүнчлэн тэдний оргил үе харьж буйн анхны дохио “IEM Atlanta 2026” тэмцээний плей-оффт илэрч, тэд NAVI-д ялагдал хүлээсэн билээ.
Аваргын титмийн төлөө Team Vitality-тай тэнцүүхэн өрсөлдөх хэд хэдэн хүчирхэг багууд байна. Тухайлбал, суут дасгалжуулагч B1ad3-ын удирдлага дор NAVI баг яг л оргил үедээ ирсэн бөгөөд снайпер w0nderful-ийн итгэл дүүрэн тоглолт, шинэ цэрэг makazze-ийн b1t, iM, Aleksib нартай зохицсон хослол нь тэднийг гурав дахь Мэйжор цомоо авахад хөтөлж магадгүй юм. Нөгөө талд, туршлагатай ахмад karrigan-аар хүчээ зузаатгасан Falcons баг NiKo, m0NESY, kyousuke нарын гайхалтай ур чадварт суурилан ялалт байгуулахаар улайрч байна. Хоёрдугаар шатнаас хүчтэй гарч ирсэн Team Spirit баг BetBoom-ын эсрэг 13:5, MIBR-ын эсрэг 13:1, харин 9z-ийн эсрэг 13:3 болон 13:1-ээр тус тус бут ниргэж, өөрсдийн чансааг баталсан юм. Тус багийн гол од donk эдгээр тоглолтуудад гайхалтай ур чадвар үзүүлж, карьерынхаа оргил үед байгаагаа дараах үзүүлэлтүүдээр батлан харууллаа:
- BetBoom-ын эсрэг тоглолтод: 2.26 (22/9)
- MIBR-ын эсрэг тоглолтод: 1.75 (22/7)
- 9z-ийн эсрэг хийсэн цувралд: 2.55 (48/16)
“1xBet esports”-ын шинжээчдийн үзэж буйгаар, энэ удаагийн тэмцээний хамгийн гол “нууцхан хүчтэн” буюу андердогоор Азийн шилдэг төлөөлөл The MongolZ нэрлэгдэж байна. Өнгөрсөн жил дэлхийн аваргын титмээс ердөө ганцхан алхам дутуу хоцорсон тэд энэ удаад алдаагаа засаж, эх орондоо болон бүс нутагтаа анхны Мэйжор аваргын цомыг авчрах бүрэн боломжтой. Үүнээс гадна Aurora, FURIA, PARIVISION болон FUT Esports зэрэг багууд плей-оффт шалгарч, тактикийн зөв тоглолт үзүүлж чадвал акулуудын эсрэг гэнэтийн бэлэг барихыг үгүйсгэх аргагүй юм.
“IEM Cologne Major 2026” тэмцээний гуравдугаар шатны ширүүн тулаанууд 6 дугаар сарын 11-нээс 15-ны өдрүүдэд үргэлжлэх хуваарьтай байна. Үүний дараа киберспорт сонирхогчдын хувьд хамгийн сонирхолтой плей-оффын шат болон дэлхийн шинэ аваргыг тодруулах их финал 6 дугаар сарын 18-наас 21-ний хооронд Кёльн хотын тайзнаа өрнөх юм.
