УИХ-ын гишүүн Л.Оюун-Эрдэнийг өөрийнх нь хүсэлтийн дагуу УИХ дахь Монгол-Малайзын парламентын бүлгийн даргаар томилжээ. Монголын Парламентын Бүлгийн Гүйцэтгэх хорооны даргын 2026 оны тавдугаар сарын 14-ний захирамжаар уг томилгоог хийсэн байна.
Тавдугаар сарын 8-нд хүсэлтээ хүргүүлжээ
Томилгоог Монголын Парламентын Бүлгийн дүрмийн 6.9.4 дэх заалт болон Л.Оюун-Эрдэнийн 2026 оны тавдугаар сарын 8-ны УИХ-03/5129 дугаар албан бичгийг үндэслэн шийдвэрлэжээ.
Дүрмийн 6.9.4-т УИХ дахь хоёр талын парламентын бүлэг байгуулж, даргаар ажиллах тухай гишүүдийн хүсэлтийг хүлээн авч, холбогдох захирамжаар шийдвэрлэхээр тусгасан байна.
Ингэснээр Л.Оюун-Эрдэнэ өөрийн гаргасан хүсэлтийн дагуу Монгол-Малайзын парламентын бүлгийг ахлахаар болсон аж.
Бүлгийн бүрэлдэхүүнд Х.Баттулга, Л.Гантөмөр нар багтжээ
Монгол-Малайзын парламентын бүлгийн дэд даргаар А.Ганбаатар, Ж.Батжаргал нар ажиллаж байна.
Харин бүлгийн гишүүдээр:
- Х.Баттулга
- Г.Ганбаатар
- Ч.Лодойсамбуу
- Л.Гантөмөр
- Ц.Сандаг-Очир нар ажиллаж байгаа аж.
