Үндэсний их баяр наадмыг тохиолдуулан Монгол Улсын Ерөнхийлөгч У.Хүрэлсүх зарлиг гаргаж, салбар салбартаа гарамгай амжилт үзүүлсэн эрхмүүдэд Төрийн дээд шагнал, одон, медаль гардуулдаг уламжлалтай билээ. Тэгвэл ирэх долоо хоногт болох шагнал гардуулах ёслолын үйл ажиллагааны үеэр үндэсний бөхийн зүлэг ногоон дэвжээнээ олон жил тууштай барилдаж, ард түмнээ баясгасан нэгэн эрхэмд хүндтэй цол олгохоор болжээ.
Тодруулбал, Төрийн наадмын босгон дээр Монгол Улсын аварга Гунаажавын Эрхэмбаярт Ерөнхийлөгчийн зарлигаар Монгол Улсын Гавьяат тамирчин (МУГТ) цол хүртээхээр шийдвэрлэсэн байна.
Аваргын харьяалал ба амжилт
Сэлэнгэ түмний бахархал болсон аваргын спорт болон үндэсний бөхөд оруулсан хувь нэмрийг үнэлж буй уг шагналын эзний харьяаллыг багцалбал:
- Төрсөн нутаг: Сэлэнгэ аймгийн Мандал сумын харьяат.
- Бөхийн дэвжээ: “Таван хан” дэвжээний бөх.
- Байгууллага, спорт хороо: Онцгой байдлын ерөнхий газрын “Аврагч” спорт хороонд харьяалагддаг.
Үндэсний их баяр наадмын өмнөхөн Төрийн дээд цол болох Гавьяат тамирчин цолоор энгэрээ мялаахаар болсон Улсын аварга Г.Эрхэмбаярт бөх сонирхогчид болон нутгийн олон нь халуун баяр хүргэж байна.
