Дорнод аймгийн Халхгол сумын Цогтсүмбэр нэгдүгээр багийн нутаг дэвсгэр, “Ерэн баатрын тохой” хэмээх газарт автомашин голын усанд осолдсон ноцтой хэрэг гарлаа. Тус хэргийн талаарх дуудлага мэдээлэл 2026.05.11-ний өдрийн 15:30 цагт онцгой байдлын албанд ирсэн байна. О осол болсон газар нь аймгийн төвөөс зүүн урд зүгт 340 км, сумын төвөөс хойд зүгт 20 км-ийн зайд байрладаг бөгөөд “Ланд-200” загварын суудлын автомашин дотроо хоёр зорчигчтой явж байхдаа Халх гол руу орсон аж.
Ослын дагуу Зүүн бүсийн төв Дорнод аймгийн Онцгой байдлын газрын Гал түймэр унтраах, аврах 62 дугаар ангийн долоон алба хаагч нэг техник хэрэгсэлтэйгээр хэргийн газарт шуурхай очиж, үүрэг гүйцэтгэсэн байна. Азаар усанд осолдсон хоёр иргэн голын эрэг дээр өөрсдөө эсэн мэнд гарч чадсан тул аврагчид голын гүнд орсон тээврийн хэрэгслийг татан гаргах ажиллагааг амжилттай зохион байгуулжээ.
Халх гол руу автомашин осолдсон шалтгаан болон холбогдох нөхцөл байдлыг албаныхан тодруулж байна. Олон нийтэд анхааруулахад:
- Гол мөрний усны түвшин нэмэгдсэн үед гарамгүй газраар тээврийн хэрэгсэлтэй нэвтрэхгүй байх.
- Байгалийн саад бартаатай замд анхаарал болгоомжтой зорчих.
