UFC-ийн дунд жингийн аварга, Америкийн тулаанч Шон Стрикленд хаднаас ус руу үсэрсний дараа живж эхэлсэн эрэгтэйг аварсан байна. Энэ талаар Yahoo Sports мэдээлжээ.
Стриклендийн хэлснээр, тэр эхэндээ болж буй явдлыг тоглоом, наргиа гэж бодсон аж. Гэвч удалгүй эрэгтэй усан доош орж байгааг хараад шууд туслахаар үсэрсэн байна.
Тулаанчийн түргэн хариу үйлдлийн ачаар усанд живж байсан хүнийг аварч чаджээ.
Стрикленд саяхан UFC-ийн аварга болсон
5-р сард Шон Стрикленд АНЭУ-ыг төлөөлдөг Хамзат Чимаевыг аваргын тулаанд ялсан байна. Тулаан таван раунд үргэлжилж, шүүгчид 48-47, 47-48, 48-47 гэсэн оноогоор Стриклендэд хуваагдсан шийдвэрээр ялалт өгчээ.
Ингэснээр Америк тулаанч UFC-ийн дунд жингийн шинэ аварга болсон юм.
Чимаевын хувьд энэ нь MMA дахь 16 дахь тулаан байсан бөгөөд карьерынх нь анхны ялагдал болжээ. Тэр үүнээс өмнө бүх тулаандаа ялалт байгуулсан байв. Харин Стриклендийн амжилт одоо 31 ялалт, 7 ялагдалтай болж байна.
