10
Засгийн газраас АИ-92 шатахууны нийлүүлэлт тасралтгүй үргэлжилж байгааг мэдээллээ. Энэ хүрээнд ОХУ-ын Ангарскийн газрын тос боловсруулах үйлдвэрээс ачигдсан 33 вагон буюу 1,980 тонн АИ-92 автобензин өнөөдөр буюу 2026 оны наймдугаар сарын 6-ны өдөр Монгол Улсын хилээр орж ирж байна.
Шатахуун импортын сүүлийн үеийн мэдээлэл
Төмөр зам, гааль, холбогдох байгууллагууд болон импортлогч аж ахуйн нэгжүүд хамтран шатахууныг агуулах, түгээх станцууд руу 24 цагаар тасралтгүй хүргэж байгаа бөгөөд сүүлийн өдрүүдийн импортын нөхцөл байдал дараах дүнтэй байна:
- Наймдугаар сарын 1–5-ны дүн: Сүхбаатар боомтоор нийт 10,017 тонн АИ-92 автобензин импортлогдон орж иржээ.
- Наймдугаар сарын 5-ны нийлүүлэлт: 43 вагон буюу 2,580 тонн шатахуун орж ирж, Толгойт, Аршаант, Дархан, Эрдэнэт, Улаанбаатар өртөөдийн агуулахуудад буулгаж байна.
- Наймдугаар сарын 6-ны шинэ нийлүүлэлт: Шөнийн 02:30 цагт 7 вагон буюу 420 тонн АИ-92 автобензин орж ирэн буух өртөөд рүү илгээгдсэн бөгөөд өнөөдөр Ангарскоос дахин 1,980 тонн шатахуун нэмэгдэн орж ирнэ.
