Сенегал улсын нийслэл Дакар хотод болж буй Залуучуудын IV олимпын наадмын дугуйн спортын эмэгтэйчүүдийн ганцаарчилсан цуваа гараатай уралдаанд Монгол Улсын тамирчин Г.Ариунхүслэн оролцож, 36 дугаар байрт шалгарчээ.
“Дакар-2026” наадмын дугуйн спортын тус төрөл Corniche West замд зохион байгуулагдсан бөгөөд нийт 41 тамирчин 8.5 километрийн зайд хурд сорьсон байна.
Г.Ариунхүслэн 14 минут 33.40 секундийн амжилт үзүүлэв
Монголын тамирчин Г.Ариунхүслэн 09:16:30 цагт гараанаас гарч, 8.5 километрийн зайг 14 минут 33.40 секундэд туулжээ. Ингэснээр тэрбээр уралдаанд оролцсон 41 тамирчнаас 36 дугаар байрт орсон байна.
Эмэгтэйчүүдийн ганцаарчилсан цуваа гараатай уралдаанд Казахстан, Словак, ОХУ-ын тамирчид эхний гурван байрыг эзэлжээ.
“Дакар-2026” Залуучуудын IV олимпын наадамд Монгол Улсын баг тамирчид оролцож байгаа бөгөөд Г.Ариунхүслэн дугуйн спортын ганцаарчилсан цуваа гараатай төрөлд ийнхүү өрсөлдлөө.

2 comments
Дакар бол үнэхээр хүнд уралдаан шүү, 36-р байр гэдэг маш том амжилт
Бариа хүртэл амжилттай барианд орсонд баярлалаа, бахархаж байна