“People” сэтгүүлд өгсөн шинэ ярилцлагадаа өдгөө 34 настай Селена Гомес нас ахих тусам сэтгэл зүйн хувьд илүү таатай байдаг тухайгаа ярьжээ. “Rare Beauty”-г үндэслэгч тэрээр сэтгэцийн эрүүл мэндийн салбарт оруулсан хувь нэмрээрээ “Beauty Impact Award” шагналын анхны эзэн болсон юм. Селена нас ахихаас огт айдаггүй бөгөөд цаг хугацааны эрхээр гадаад төрх өөрчлөгдөх нь амьдралын зүй ёсны үзэгдэл хэмээн үзэж байна.
Өнгөрсөн ба одоо үеийн нүүр будалтын хэв маяг
Сошиал сүлжээнд түүний 2016 оны тод нүүр будалттай (smoky eyes) зургууд эргэн тренд болж, дагагчид нь түүнийг хуучин төрхөөрөө байгаасай гэж хүсдэг ч Селена өнгөрсөндөө үлдэхийг хүсэхгүй байгаагаа онцоллоо. Тэрээр тухайн үед амьдралын хүнд үеийг туулж байсан тул илүү “догь” харагдахыг хичээдэг байсан бол одоо илүү энгийн, байгалийн будалтыг илүүд үзэх болжээ. Түүний өдөр тутмын нүүр будалтын цүнхэнд праймер, суурь крем, хөмсөгний гель, хацрын румяна, сормуусны будаг болон уруулын тос багтдаг байна.
Эрүүл мэнд ба гоо сайхны шинэ тодорхойлолт
Селена өөрийн 13 настай дүү Грэйсигийн өөртөө итгэлтэй байдлыг биширдэг бөгөөд охиныг гадаад төрхөөрөө хэн нэгэнд ямар нэг зүйл батлах шаардлагагүй гэдгийг ойлгодогт нь баярладаг аж. Түүний хувьд гоо сайхан нь зөвхөн будаг засал биш юм. 2020 онд байгуулагдсан “Rare Beauty” брэнд нь борлуулалтынхаа 1%-ийг “Rare Impact Fund”-д хандивлаж, залуучуудын сэтгэцийн эрүүл мэндийг дэмждэг бөгөөд хүн бүр өөрийгөө хүлээн зөвшөөрч, хайрлагдах орчныг бүрдүүлэхийг гол зорилгоо болгожээ.
